सातारा : राधिका रोड येथील सेनाँर चौकात शनिवारी आठ वाजण्याच्या सुमारास कोयत्याने हल्ला झाल्याची घटना घडली. या हल्ल्यात इर्टिका गाडीचे नुकसान झाले असून हल्लेखोर पसार झाले. यामुळे परिसरात खळबळ उडाली. शाहूपुरी पोलिसांनी घटना पोहचून पंचनामा सुरु केला. रात्री उशीरापर्यंत माहितीच्या आधारे गुन्हा दाखल करण्याची प्रक्रिया सुरु होती.
शहरातील राधिका रोड येथील सेनाँर चौकात सायंकाळी आठ वाजण्याच्या सुमारास अज्ञाताकडून कोयता नाचवून दहशत निर्माण करण्यात आली. यावेळी इर्टिका कार वर हल्ला करत नुकसान करण्यात आले. अचानक घडलेल्या या प्रकारामुळे परिसारात खळबळ उडाली. हल्ला करुन अज्ञात टोळीने पळ काढला. तर या घटनेची माहिती मिळताच शाहूपुरी पोलिसांनी घटनास्थळी धाव घेतली. यावेळी बघ्याची गर्दी झाली होती. पोलिसांनी पंचनामा करत कार ताब्यात घेतली. या हल्ल्यात कोणी जखमी झाले नसल्याची प्राथमिक माहिती मिळत आहे. मात्र कारचे नुकसान झाले आहे. 
हल्ल्याचे कारण अस्पष्ट 
सेनाँर चौकात अज्ञातांनी हल्ला करुन गाडीचे नुकसान केले. या हल्ल्यामागचे कारण अस्पष्ट आहे. याबाबत शाहूपुरी पोलिसांनी तपासानंतर माहिती देणार असल्याचे सांगितले. परंतु सर्वत्र ही घटना वा-यासारखी पसरल्याने नागरिकांच्यात भीतीचे वातावरण निर्माण झाले.