पाचवड:भुईंज महामार्गावर कवठे गावानजीक पुण्याहून सातारा कोल्हापूर कडे जाणाऱ्या खाजगी कुरियर कंपनीची पिकअप 7 ते 8 दरोडेखोरांनी कोयत्याचा धाक दाखवून लुटल्याने एकच खळबळ उडाली आहे,

    याबाबत भुईंज पोलिसांनी दिलेल्या माहितीनुसार शुक्रवारी पहाटे सहा वाजता पुण्याहून कोल्हापूर चे दिशेने निघालेली पिकअप क्रमांक MH 09 f L 5423 या गाडीला कवठे गावानजीक उड्डाणपूलावर पाठीमागाहून आलेल्या तीन दुचाकी वरील इसमानी हत्यारे दाखवून गाडीच्या पाठिंमागील दरवाजा उघडून त्यातील एक बॉक्स ताब्यात घेत पलायन केले,

   दरम्यान घडलेल्या प्रकारानंतर गाडी चालक विजय पवार याने  भुईंज पोलिसांत तक्रार दिल्यानंतर त्या बॉक्समध्ये तब्बल एक किलो सोन्याचे दागिने असल्याचे सांगण्यात आले,याबाबत भुईंज पोलिसांनी तातडीने तपासासाठी यंत्रणा सुरू केली तर काही माहिती व सी सी टीव्ही च्या फुटेज वरून पथके रवाना केली,

   सायंकाळी घटनास्थळी जिल्हा पोलीस प्रमुख निखिल पिंगळे अतिरिक्त जिल्हा पोलीस प्रमुख वैशाली कडुकर पाटील,उपविभागीय पोलीस अधिकारी विपुल सावन्त,उपविभागीय पोलीस अधिकारी सुनील साळुंखे,यांनी भेट देऊन तपासणीसाठी मार्गदर्शन केले,

 या दरोड्याचे तपासासाठी भुईज पोलीस स्टेशनचे प्रभारी अधिकारी डीवायएसपी पुनम झगडे एपीआय पृथ्वीराज ताटे पीएसआय आकाश मोरे सुरज शिंदे यांनी रात्री उशिरापर्यंत तपासणी पथके रवाना केली आरोपींना काही तासातच ताब्यात घेऊन वेट अँड वॉच असा विश्वास तपास पथकातील एका जबाबदार अधिकाऱ्यांनी बोलून दाखवला तर दरोडातील सोने नेमके कुठले कोणती कंपनी व करिअर कंपनी कोणती याबाबत गोपनीयता पाळण्यात आली आहे