सातारा : सातारा शहरातील दोन सराफी दुकानांमध्ये अज्ञात चोरट्यांनी एक लाख 79 हजार रुपये किंमतीच्या दागिन्यांची चोरी केल्याच्या फिर्यादी संबंधित पोsatara लीस ठाण्यांमध्ये नोंदविण्यात आल्या आहेत. याबाबत पोलिसांनी दिलेली माहिती अशी, दि. 10 रोजी दुपारी बारा ते साडेबारा वाजण्याच्या दरम्यान शनिवार पेठ येथील श्री महालक्ष्मी ज्वेलर्स दुकानांमध्ये एका अनोळखी महिला व पुरुषाने 33 हजार रुपये किंमतीची एक सोन्याच्या टॉप्स ची जोडी हातचलाखीने चोरून नेली आहे. अधिक तपास पोलीस नाईक साबळे करीत आहेत. दुसऱ्या घटनेत, पोवई नाका येथील चंदुकाका सराफ अँड सन्स या दुकानांमध्ये अज्ञात चोरट्याने सेल्समनची नजर चुकवून एक लाख 46 हजार रुपये किंमतीचे 21 ग्रॅम 740 मिली वजनाचे सोन्याचे कडे चोरून नेले आहे. अधिक तपास पोलीस उपनिरीक्षक मोरे करीत आहेत.