सातारा - सातारा शहरातील राजवाडा या वर्दळीच्या ठिकाणी तरुणांच्या दोन गटात राडा झाला आहे.नेमका हा वाद काय होता हे तरुण कुठले होते हे समजू शकले नसले तरी या हाणामारीचा व्हिडिओ सोशल मीडियावर सध्या व्हायरल होतो आहे.राजवाडा चौपाटी भागात संध्याकाळचा वेळी हा प्रकार घडला असून या बाबत पोलिसांनी कारवाई करण्याची मागणी नागरिकांमधून होते आहे.

साताऱ्यातील गजबजलेल्या ठिकाण म्हणजे राजवाडा येथील चौपाटीवर सायंकाळी च्या वेळी मोठी गर्दी असते याच ठिकाणी नेमकी काल रात्रीच्या सुमारास दोन गटांमध्ये तुंबळ मारामारी सुरू झाली यामुळे राजवाडा परिसरामध्ये फिरायला येणाऱ्या नागरिकांमध्ये भीतीचे वातावरण तयार झाले ही युवकांमधील मारामारी कमीत कमी दहा मिनिटे चालू होती. याचा व्हिडिओ मात्र सोशल मीडियावर मोठा व्हायरल झाला आहे  यामुळे येथील नागरिकांमध्ये एकच चर्चा सुरू होती की या मुलांमध्ये पोलिसांची भीती राहिली नाही का ? 

या व्हिडिओतील मुलांची ओळख पटवून त्यांच्यावर कारवाई करावी अशी मागणी नागरिकांच्यातून होत आहे.राजवाडा परिसरामध्ये अशा अनेक घटना घडत असतात या ठिकाणी कायमस्वरूपी एक पोलीस नेमावा अशी सुद्धा मागणी नागरिकांच्या पण होऊ लागली आहे.