सातारा हिल हाफ मॅरेथॉन स्पर्धेचा एक्स्पो येत्या शुक्रवार व शनिवारी

सातारा : सातारा रनर्स फौंडेशनच्यावतीने दरवर्षी आयोजित केली जाणारी व संपूर्ण देशभरात लोकप्रिय अशी जेबीजी सातारा हिल हाफ मॅरेथॉन स्पर्धा रविवार, दिनांक ३ सप्टेंबर २०२३ रोजी होणार असून, स्पर्धेचे हे १२ वे वर्ष आहे. या स्पर्धेचा भव्य एक्स्पो या वर्षी प्रथमच दोन दिवस आयोजित केला असून तो *शुक्रवार व शनिवार या दोन्हीही दिवशी आयोजित केला आहे. पहिल्या दिवशी दिनांक १ सप्टेंबर रोजी दुपारी १२.०० ते सायंकाळी ७.०० वाजेपर्यंत आणि २ सप्टेंबर २०२३ रोजी सकाळी १०.०० ते सायंकाळी ६.०० या दरम्यान हा एक्स्पो असणार आहे. शेंद्रे येथील अजिंक्यतारा सहकारी साखर कारखान्याच्या कार्यस्थळावरील कै अभयसिंहराजे भोसले सभागृह येथे या एक्स्पोचे आयोजन केले आहे. या एक्स्पोचे उद्घाटन शुक्रवार, दिनांक १ सप्टेंबर रोजी दुपारी १२.०० वाजता सातारचे लोकप्रिय आमदार श्री.छ.शिवेंद्रसिंहराजे भोसले व सौ वेदांतिकाराजे भोसले यांच्या शुभहस्ते आणि अजिंक्यतारा सहकारी कारखान्याचे कार्यकारी संचालक श्री जिवाजी मोहिते यांच्या उपस्थितीत संपन्न होणार आहे. या एक्स्पोमध्ये स्पर्धेसाठी आवश्यक असणारे रेस किट स्पर्धकांना वितरित करण्यात येणार असून त्यामध्ये टी शर्ट, रनिंग बीब, संगणकीकृत टाईमिंग चिप इत्यादींचा समावेश आहे. त्यासाठी स्पर्धकांनी नांव नोंदणी केल्याचा पुरावा म्हणून त्यांना आलेला ई-मेल अथवा त्यांच्या मोबाईलवर आलेला मेसेज दाखवणे हे अनिवार्य आहे. प्रत्येक स्पर्धकाने वयाचा व रहिवासी पत्याचा पुरावा म्हणून आधारकार्ड सोबत आणणे आवश्यक आहे सर्व स्थानिक सातारकर धावपटूंनी आपले रेसकीट हे शक्यतो शुक्रवार, दिनांक १ सप्टेंबर रोजी ताब्यात घ्यावेत, जेणेकरुन दुसऱ्या दिवशी बाहेरगावच्या स्पर्धकांनादेखील रेस कीट व बिब घेणे सोयीचे होईल आणि त्यामुळे दोन्ही दिवशी गर्दीमुळे स्पर्धकांची होणारी गैरसोय टाळता येईल, असे आवाहन रेस डायरेक्टर अभिषेक भंडारी व संयोजन समितीचे अध्यक्ष जितेंद्र भोसले, उपाध्यक्ष निशांत गवळी व सचिव डॉ रंजिता गोळे यांनी संयुक्तरित्या केले आहे.

आम्हाला जोडण्यासाठी

संबंधित बातम्या

anandi atta chakki V
सुयोग डेव्हलपर्स
छ.शिवाजी महाराज यांच्या वरील आक्षेपार्ह पोस्ट प्रकरणातील खरा दोषी पोलिसांकडून गजाआड
सातारा चे नाव पुन्हा एकदा सात समुद्रपार
चाऱ्याचे पैसे परत मागितल्याच्या रागातून महिलेला भर चौकात मारहाण
ठोसेघर धबधबा फेसाळला