पोलिसांची अॅक्शन अन् 'कहानी खत्म'.... गुन्हेगाराचे उदात्तीकरण करणारांना उंब्रज पोलिसांचा हिसका
- गौरव खवळे
- Wed 16th Oct 2024 04:03 pm
- बातमी शेयर करा
उंब्रज : प्राणघातक हल्ल्याप्रकरणी कारागृहात असलेल्या गुन्हेगाराचा फोटो झळकावत रॅली काढून त्याचे उदात्तीकरण करणाऱ्यांना उंब्रज पोलिसांनी चांगलाच हिसका दाखवला. रॅली काढून त्याचा व्हिडीओ सोशल मिडीयावर व्हायरल करत दहशत माजवण्याचा प्रयत्न केल्याप्रकरणी आठजणांवर कारवाई केली. त्यांच्याकडील बुलेट, युनिकॉर्नसह तीन गाड्या हस्तगत केल्या यापुढे गुन्हेगारीचे उदात्तीकरण करताना आढळल्यास त्यांच्यावर कडक कारवाई केली जाईल असा इशारा सहाय्यक पोलीस निरीक्षक रविंद्र भोरे यांनी दिला.
अजय प्रकाश चव्हाण (वय २१), विनायक प्रविण निकम (वय २०), प्रणव काशिनाथ चव्हाण, तेजस राजेंद्र सुतार (वय २१), शुभम संभाजी कदम (वय २०), योगेश पांडुरंग थोरात (वय २०), अक्षय प्रकाश चव्हाण, विजय पोपट निकम (वय २८ सर्व रा. इंदोली ता. कराड) अशी कारवाई झालेल्यांची नावे आहेत. पोलिसांनी दिलेल्या माहितीनुसार, सातारा जिल्ह्यासह कराड तालुक्यात गुन्हेगारीचे उदात्तीकरण करणाऱ्यांवर कडक कारवाई करून त्यांचा अहवाल तयार करण्याच्या सुचना पोलीस अधिक्षक समीर शेख, अपर पोलीस अधिक्षक डॉ. वैशाली कडुकर यांनी दिल्या आहेत. त्यानुसार पोलीस उपअधिक्षक अमोल ठाकूर यांच्या मार्गदर्शनाखाली उंब्रज पोलीस ठाण्याचे सहाय्यक पोलीस निरीक्षक रविंद्र भोरे यांनी पोलीस कर्मचाऱ्यांना सर्व परिसरात गस्त घालण्याच्या सुचना दिल्या होत्या. त्यानुसार इंदोली येथे संशयित युवकांचा जमावर एका रेकॉर्डवरील गुन्हेगाराचे फोटो, बॅनर हातात घेऊन रॅली काढली होती. इंदोली येथील हुतात्मा स्मारक ते ग्रामपंचायत अशी शेतकरी गणेश मंडळाने रॅली काढली होती. या रॅलीत दुचाकी वाहनांचा वापर करण्यात आला. शिवाय क्या करता बॉस... आनाही पडा... पब्लिक की डिमांड थी... अॅक्शन सुरू नही हुआँ... अशा आशयाचे गाणे लावून सोशल मिडीयावर पोस्ट व्हायरल केली. पोलिसांच्या हे निदर्शनास आले. यानंतर याप्रकरणी निलेश अशोक पवार (वय ३२) या पोलीस कॉन्स्टेबलने तक्रार दाखल केली. यानंतर सहाय्यक पोलीस निरीक्षक रविंद्र भोरे यांच्या मार्गदर्शनाखाली रॅली काढणारांवर गुन्हा दाखल केला. फिर्यादीत म्हटले आहे की, रॅली काढणारांनी गुन्हेगाराचे उदात्तीकरण करत समाजात दंगा होईल असे कृत्य केले आहे. शिवाय जिल्हाधिकारी यांच्या जमावबंदी आदेशाचे उल्लंघन केल्याचे समोर आल्याने ही कारवाई करण्यात आली आहे. या कारवाईचे पोलीस अधिक्षक समीर शेख, अपर पोलीस अधिक्षक वैशाली कडुकर, पोलीस उपअधिक्षक अमोल ठाकूर यांनी कारवाईचे कौतूक केले. तसेच यापुढे गुन्हेगारांचे उदात्तीकरण करणाऱ्यांना सोडायचे नाही असा इशारा देत उंब्रज पोलिसांचे मनोबल उंचावले.
स्थानिक बातम्या
दिवाळी दहा दिवसांवर तरीही फटाके विक्रीची परवानगी नाही.
- Wed 16th Oct 2024 04:03 pm
शिवथर मध्ये दिवसाढवळ्या बिबट्याचे आगमन
- Wed 16th Oct 2024 04:03 pm
मुंबईत टोलमाफी; साता-याला का नाही?
- Wed 16th Oct 2024 04:03 pm
श्रीपतराव पाटील हायस्कूल करंजेपेठ साताराच्या शालेय क्रीडास्पर्धेत यशस्वी भरारी...
- Wed 16th Oct 2024 04:03 pm
कारखानदारांविरोधात कराड-उत्तर मधून लढवणार निवडणूक: वसिम इनामदार.
- Wed 16th Oct 2024 04:03 pm
संबंधित बातम्या
-
महागडा मोबाईल परत करून दाखविला प्रामाणिकपणा
- Wed 16th Oct 2024 04:03 pm
-
फलटण येथील हॉटेल आनंद विलास च्या खाद्यपदार्थात चक्क पालींचा रहिवास?
- Wed 16th Oct 2024 04:03 pm
-
कराडजवळ शस्त्रधारी टोळक्याने कारमधून हवालाची 5 कोटींची रक्कम लुटली
- Wed 16th Oct 2024 04:03 pm
-
मलकापूरात युवकांमध्ये मारामारीत युवकावर चाकू हल्ला
- Wed 16th Oct 2024 04:03 pm
-
प्रेमप्रकरणाच्या संशयावरून जळगाव खून प्रकरणी संशयिताच्या भाऊ व वहिनीला अटक
- Wed 16th Oct 2024 04:03 pm
-
माण तालुक्यातील महाबळेश्वरवाडी येथे चार वर्षांच्या चिमुरड्याचा मृतदेह संशयास्पद स्थितीत सापडला.
- Wed 16th Oct 2024 04:03 pm
-
कोरेगाव येथे प्रेम प्रकरणाच्या संशयावरून जीवे मारण्याचा प्रयत्न
- Wed 16th Oct 2024 04:03 pm
-
राष्ट्रवादीचे नेते बाबा सिद्दिकी यांची मुंबईत गोळ्या झाडून हत्या
- Wed 16th Oct 2024 04:03 pm