फलटण : फलटण शहरामध्ये एक धक्कादायक प्रकार उघडकीस झाला असून एका हॉटेलमध्ये पुरी भाजीच्या भाजीमध्ये चक्क पाल सापडली असल्याचा आरोप साहिल शेख रा. सोनवडी बुद्रुक ता. फलटण जि. सातारा यांनी केला आहे.

 याबाबत थोडक्यात माहिती अशी की १४ ऑक्टोंबर सोमवारी सकाळी साडेदहा वाजल्याच्या सुमारास फलटण येथील पंचायत समिती समोर असलेले "हॉटेल आनंद विलास" येथे साहिल शेख हे नाश्ता करण्या करिता गेले होते. त्यांनी नाष्टयासाठी पुरी भाजी मागवली. पुरी भाजी खात असताना त्यांना मुंडक्यापासून पोटापर्यंतचा तुटलेला पालीचा भाग सापडला. याबाबत हॉटेल मालक यांस हे निदर्शनास आणून दिल्यानंतर साहिल शेख यांनी फलटण शहर पोलीस स्टेशन येथे आचाऱ्यासह अन्य एकावर काल गुन्हा दाखल करण्यात आला आहे.

 याबाबतचा अधिक तपास सहाय्यक फौजदार संतोष कदम फलटण शहर पोलीस ठाणे करीत आहेत.