भुईंज ;  मंगळवार दिनांक २३ ऑगष्ट रोजी मध्यरात्री तीन वाजता बंद घराचे कुलूप तोडून घरात प्रवेश केला होता.
   याबाबत घटनास्थळ व भुईंज पोलीसांनी दिलेली माहिती अशी की भुईंज विजयनगर येथील शंकर यदु जाधव यांच्या वंद घराचे कुलूप तोडून आत प्रवेश केल्यानंतर भांडयांचा आवाज आल्याने शेजारीच राहणारे जागे झाले. आणि त्यांनी बाहेर येवून पाहणी केली असता बंद घरात कोणीतरी असल्याचे त्यांना जाणवले. त्यानंतर त्यांनी आजूबाजूला राहणारे इतर ग्रामस्थांना बोलावून बंद घराच्या मागेपुढे कड्या लावून पोलीसांना फोन केला. याच दरम्यान रात्र गस्तीवर असणारे भुईंज पोलीसांचे पथक त्याठिकाणी पोहचल्यानंतर त्यांनी कड्या काढुन आतील दोन अज्ञात इसमांना ताब्यात घेतले.
  दरम्यान ताब्यात घेतल्यानंतर भुईंज पोलीसांनी सदर इसमांची चौकशी केली असता महेश शिवाजी भोसले रा. तुळजापूर रोड तुळजापूर जि. सोलापूर व दुसरा इसम ईरशाद हरून मुल्ला रा. वाठार गाव राम मंदीराजवळ ता 1. कोरेगाव जि. सातारा यांनी चोरीचा प्रयत्न केला म्हणून त्यांच्यावर गुन्हा दाखल करून पोलीसांनी तपास सुरू केला आहे.
  या प्रकारानंतर मंगळवार सकाळ पासून विजयनगर भुईज परिसर एस टी. स्टॅण्ड परिसर याठिकाणी या पकडलेल्या चोरांच्याविषयी जोरदार चर्चा सुरू होती. तर ऐन सणासुदीच्या कालावधीत या चो-यांच्या प्रकारामुळे परिसरात भितीचे वातावरण पसरलेले आहे. यासाठी भुईंज पोलीसांनी एस टी स्टॉण्ड परिसरात मदत केंद्र व गेली एक बर्षे बंद पडलेले सीसीटिव्ही कॉमेरे व ध्वनीक्षेपक यंत्रणा सुरू करावी अशी मागणी ग्रामस्थांतमधुन होत आहे.

१. तंटामुक्त कमिटीचे माजी अध्यक्ष व पोलीस हवालदार यांच्या सतर्कतेचे कौतुक
चोरटयांना पकडण्यासाठी मदतकार्य करणा-या ग्रामस्थांमध्ये विजयनगर येथे राहणारे व मेढा पोलीस ठाण्यात कार्यरत असणारे पोलीस हवालदार संभाजीराव बाबर व भुईजच्या तंटामुक्ती कमिटीचे माजी अध्यक्ष प्रभाकर भोसले यांनी आपल्या अनुभवाचे कसव लावत चोरटयांना जेरबंद करत पोलीसांना विशेष सहकार्य केले. यांच्या कामाचे परिसरात कौतुक होत आहे..

 २. भुईंज पोलीसांनी महामार्गावर कार्यक्षेत्र मोठे व आपुरी कर्मचारी संख्या टीम सक्षम पण बंद पडलेली गाडी यामुळे त्यांच्यावर आवाका असून सुद्धा मर्यादा आहेत. तरी सुद्धा सपोनि आशिष कांवळे यांनी यावावत ग्रामस्थांचे आभार व्यक्त करत रात्र गस्त सुरू करा असे आवाहन केले आहे