मलकापूरच्या हद्दीत मालट्रक कार अपघातात एकजण ठार
- Satara News Team
- Fri 12th Jul 2024 01:21 pm
- बातमी शेयर करा
कराड : पुणे-बंगळुरू महामार्गाकडेला उभ्या मालट्रकला भरधाव कारची पाठीमागून धडक होऊन झालेल्या अपघातात कार ट्रकखाली घुसली. या अपघातात कारमधील एकजण जागीच ठार तर एकजण जखमी झाल्याची घटना पुणे- बंगळुरू महामार्गावर मलकापूर हद्दीत बुधवारी मध्यरात्री बारा वाजण्याच्या सुमारास घडली. अपघातानंतर कराड -कोल्हापूर लेनवरील वाहतूक काहीकाळ विस्कळीत झाली होती.
विष्णू दत्तू सुतार (वय ५५, रा. पिंपळगाव बुद्रुक ता. कागल, जि. कोल्हापूर) असे अपघातात जागीच ठार झालेल्याचे नाव आहे. तर चालक अभिजित शिवाजी मुळे (रा. पिंपळगाव खुर्द ता. कागल जि. कोल्हापूर) असे अपघातात जखमी झालेल्या चालकाचे नाव आहे. याबाबत अधिक माहिती अशी की, मालट्रक (एमएच १३ डी क्यू ९६४६) नाधव) हा माल भरून कोल्हापूर दिशेला जात होता. पुणे-बंगळूरू महामार्गावरमलकापूर येथे झाडाखालचा वडापाव दुकानासमोर आला असता पंक्चर झाला. चालकाने पंक्चर काढण्यासाठी मालट्रक महामार्गाकडेला उभा केला होता. पंक्चर काढत असताना पाठीमागून जागी मालट्रकला काहीतरी धडकल्याचा आवाज आला. चालकाने पाठीमागे जाऊन बघितले असता, कार (जीए ०५ डी ८५७७) मालट्रकखाली घुसली होती.
या अपघातात सुतार याच्या डोक्याला जबर मार लागल्याने ते जागीच ठार झाले. मुळे गंभीर जखमी झाले. मुळे आणि त्यांचे कर्मचारी सुतार हे दोघे कामानिमित्त पेण येथे गेले होते. काम आटोपून परत गावी जात असताना कारवरील ताबा सुटल्यामुळे हा अपघात झाला, अशी चर्चा अपघातस्थळी होती. अपघात होताच परिसरातील नागरिकांनी अपघातस्थळी धाव घेतली. अपघातस्थळी बघ्यांची गर्दी झाल्यामुळे पुणे-कोल्हापूर लेनवरील वाहतूक काहीकाळ विस्कळीत झाली होती. अपघाताची माहिती महामार्ग देखभाल विभागासह कराड पोलिस स्टेशन व महामार्ग पोलिसांना दिली. अपघाताची माहिती मिळताच देखभाल विभागाचे कर्मचारी व पोलिस तातडीने अपघातस्थळी दाखल झाले. जखमींना उपचारासाठी रुग्णालयात पाठवून दिले. पंचनामा करून मृतदेह उत्तरीय तपासणीसाठी वेणुताई उपजिल्हा रुग्णालयात पाठवून दिला. कदम क्रेनच्या साह्याने अपघातग्रस्त वाहने बाजूला करून महामार्गावरील वाहतूक सुरळीत केली.
#karad
#accident
#malkapur
स्थानिक बातम्या
दिवाळी दहा दिवसांवर तरीही फटाके विक्रीची परवानगी नाही.
- Fri 12th Jul 2024 01:21 pm
शिवथर मध्ये दिवसाढवळ्या बिबट्याचे आगमन
- Fri 12th Jul 2024 01:21 pm
मुंबईत टोलमाफी; साता-याला का नाही?
- Fri 12th Jul 2024 01:21 pm
श्रीपतराव पाटील हायस्कूल करंजेपेठ साताराच्या शालेय क्रीडास्पर्धेत यशस्वी भरारी...
- Fri 12th Jul 2024 01:21 pm
कारखानदारांविरोधात कराड-उत्तर मधून लढवणार निवडणूक: वसिम इनामदार.
- Fri 12th Jul 2024 01:21 pm
संबंधित बातम्या
-
शिवथर मध्ये दिवसाढवळ्या बिबट्याचे आगमन
- Fri 12th Jul 2024 01:21 pm
-
जावली गावाच्या हद्दीत एसटीची दोन चाके निखळली.
- Fri 12th Jul 2024 01:21 pm
-
किडगाव येथे रात्री बिबट्याकडून शेळी फस्त .
- Fri 12th Jul 2024 01:21 pm
-
घरासमोर चिमुकलीवर कुत्र्याचा हल्ला, आईसमोरच चिमुकलीला जबड्यात पकडून कुत्र्याने नेले पन्नास फूट शेतात
- Fri 12th Jul 2024 01:21 pm
-
आ.जयकुमार गोरे यांच्या ताफ्यातील भरधाव स्कार्पिओने दुचाकीला उडवले..! दोन जण जागीच ठार.
- Fri 12th Jul 2024 01:21 pm
-
एसटीच्या चाकाखाली बाईक अडकून उडाल्या ठिणग्या; बससह दुचाकीस्वार जळून खाक
- Fri 12th Jul 2024 01:21 pm
-
अखेर 2 वर्षांच्या चिमुकलीसह कृष्णा नदीत उडी घेतलेला महिलेचा मृतदेह 7 दिवसांनी सापडला
- Fri 12th Jul 2024 01:21 pm
-
सज्जनगड घाटाच्या दरीमध्ये युवती कोसळली बचाव कार्य वेगाने राबवून युवतीचे वाचवले प्राण
- Fri 12th Jul 2024 01:21 pm