सातारा :  साताऱ्यातील वाढत्या गुन्हेगारीच्या पार्श्वभूमीवर सातारचे पोलीस अधीक्षक समीर शेख हे चांगलेच ॲक्शन मोडवर आलेले दिसत आहेत काही दिवसात गुन्हेगारांना सातारा जिल्ह्यातून हद्दपार करण्याचे काम सातारा जिल्ह्याचे पोलीस अधीक्षक समीर शेख यांनी केले आहे या कारवाईमुळे साताऱ्यातील गुन्हेगारीला आळा बसेल असं बोलले जात आहे

आज  सातारा पोलीस अधीक्षक यांनी सातारातील तीन जणांना तडीपार केलं आहे यामध्ये सातारा शहरात गर्दी, मारामारी, दुखापत, शिवीगाळ, दमदाटी, जबरी चोरी घरात घुसून दुखापत करणाऱ्या टोळीचा प्रमुख सौरभ उर्फ लाल्या नितीन सपकाळ राहणार. रघुनाथ पुरा पेठ करंजे. सातारा. ओमकार रमेश इंगवले वय 27 देशमुख कॉलनी करःजे पेठ सातारा तसेच मंदार हनुमंत चांदणे वय वर्ष 32 राहणार गुरुवार पेठ सातारा या तिन जणांना दोन वर्षासाठी जिल्ह्यातून तडीपार करण्यात आले आहे वेळोवेळी सुधारण्यासाठी संधी देऊन सुद्धा यांच्या वर्तनामध्ये फरक न पडल्याने ही कारवाई केल्याचे समजत आहे.

या कामी सरकार पक्षाच्या वतीने आपण पोलीस अधीक्षक श्री बापू बांगर यांचे मार्गदर्शनाखाली स्थानिक गुन्हे शाखेचे पोलीस निरीक्षक अरुण देवकर, स्थानिक गुन्हे शाखेचे पोलीस उपनिरीक्षक मधुकर गुरव, पोलीस नाईक प्रमोद सावंत, पोलीस कॉन्स्टेबल केतन शिंदे, पोलीस कॉन्स्टेबल अनुराधा सणस यांनी योग्य ती पुरावा सादर केला या कारवाईचे सर्व स्तरातून समाधान व्यक्त केले जात आहे