"कुणा एकाच्यात धमक नसल्याने बारामतीचा सांगावा आला की हे सगळे माझ्या विरोधात एक होतात ... आ. जयकुमार गोरे
Satara News Team
- Mon 8th Jul 2024 04:28 pm
- बातमी शेयर करा
![](https://esataranews.com/upload/post/dfb372015f.jpg)
दहिवडी : "कुणा एकाच्यात धमक नसल्याने बारामतीचा सांगावा आला की हे सगळे माझ्या विरोधात एक होणार आहेत. त्यांनी कितीही प्रयत्न केले, माझ्या विरोधात जनतेला न पटणारे खोटे नेरेटीव्ह सेट केले तरी खटाव-माणची जनता मी १५ वर्षात काय केले आहे हे चांगलेच जाणते. आपण गावोगावच्या विकासकामांबरोबर उरमोडी, जिहेकठापूरचे पाणी आणले. आताही जिहेकठापूरचे पाणी लवकरच आंधळी धरण आणि माणगंगा नदीत सोडतोय. उत्तर माणच्या ३२ गावांना पाणी देतोय. मायणी, कुकुडवाडसह ४२ गावांच्या योजनेचे भूमिपूजन करतोय. माणमधील उर्वरित २७ गावे जिहेकठापूरच्या लाभक्षेत्रात घेत असल्याने पाणीप्रश्नावरील माझी ही शेवटची निवडणूक असेल असेही आमदार गोरेंनी सांगितले.
विधानसभा निवडणूक जवळ आल्या की साडेचार वर्षे गायब असलेल्या माण -खटावमधील अनेकांची भाद्रपद महिन्याप्रमाणे तारांबळ उडाली आहे. त्या सगळ्यांना फलटण, बारामतीतून चावी मिळाली आहे. विरोधकांकडे विकासकामे, पाणीप्रश्नावर निवडणूक लढविण्याचा कोणताच अजेंडा आणि व्हिजन नाही. त्यांचा तो आवाकाच नसल्याने जयकुमारच पुन्हा आमदार होतील, असे ते खासगीत सांगत आहेत. शरद पवारांनी माण-खटावसाठी काय केले हे एकदा जाहीरपणे सांगावे, असे जाहीर आव्हान आमदार जयकुमार गोरे यांनी दिले आहे.
दहिवडी (ता. माण) येथे आयोजित कार्यकर्ता मेळाव्यात आमदार गोरे बोलत होते. ते म्हणाले, "समाजात द्वेष पसरवून, चुकीचे आणि विघातक नेरेटीव्ह सेट करुन काही लोक राजकारण करतात. शरद पवारांचा त्यात हातखंडा आहे. पवार माण-खटावमध्ये कधी उरमोडी, जिहे कठापूरच्या पाणी पूजनाला आले नाहीत. त्यांना या भागात एमआयडीसी व्हावी, टेंभूचे पाणी यावे असे कधीच वाटले नाही. त्यांनी या भागात एकही मोठे काम केले नाही हे त्यांचेच कार्यकर्ते सांगतात,"
"विधानसभा निवडणूक आली की त्यांनी अनेकांना चावी दिली आहे. त्यात वरकुट्याचे दोन गडी, एक कुणासोबतही फोटो काढून व्हायरल करणारा, एक नवी गाडी घेऊन पेढे वाटत फिरणारा, निमसोडचा कुणीतरी लढावे लागेल असे सांगितले म्हणून फोटो काढत फिरणारा, एक अडगळीत पडलेला लोधवड्याचा आणि एक दाढी मिशा नसणारा असे अनेक गडी ‘बेगानी शादी मे दिवाना अब्दुल्ला...’ झाले आहेत. या सर्वांकडे निवडणूक लढण्याचा उद्देशच नाही. त्यांना फक्त माझा पराभव करायचा आहे. त्यांनी १५ वर्षात जनतेसाठी काहीच केले नाही. त्यांची माझ्यावर बोलायची पात्रताच नाही," असे गोरे म्हणाले.
आमच्या सरकारने मराठा बांधवांना १० टक्के टिकणारे आरक्षण दिले आहे. सध्याच्या पोलिस भरतीत ते लागू आहे. मात्र आरक्षण दिलेच नाही असे नेरेटीव्ह पवार आणि त्यांचे बगलबच्चे सेट करत आहेत. संविधान बदलणार असेही खोटे नेरेटीव्ह त्यांनीच सेट केले होते. दलित आणि मुस्लिम बांधवांनाही चुकीचे सांगून समाजात द्वेष पसरविण्याचे काम ते करतात, असा घणाघात आमदार गोरेंनी केला आहे.
स्थानिक बातम्या
निढळची शाळा देशात रोल मॉडेल ठरेल! खा. शरद पवार
- Mon 8th Jul 2024 04:28 pm
कास पठारावरील फुलांचा हंगाम आजपासून सुरू ....उपवनसंरक्षक अदिती भारद्वाज यांच्या हस्ते उद्घाटन
- Mon 8th Jul 2024 04:28 pm
व्यापाऱ्यांनी निवेदन दिल्यानंतर राजपथ मार्गावर वाद्ये वाजवण्यावर बंदी, गणेश मंडळे आक्रमक
- Mon 8th Jul 2024 04:28 pm
विजयकुमार किसन भुजबळ यांना राज्यस्तरीय गुणवंत शिक्षक गुरु गौरव शिक्षक रत्न पुरस्कार जाहीर
- Mon 8th Jul 2024 04:28 pm
कर्ज प्रकरणी खोटे आश्वासन देऊन शुभम हाउसिंग फायनान्स कंपनीकडून कर्जदारांची मोठ्या प्रमाणात लूट...
- Mon 8th Jul 2024 04:28 pm
पोलिसावर पत्नीची तक्रार.अदखलपात्र गुन्हा दाखल
- Mon 8th Jul 2024 04:28 pm
संबंधित बातम्या
-
नितीन पाटील यांची राज्यसभा खासदार पदी बिनविरोध निवड...घोषणेची औपचारिकता बाकी
- Mon 8th Jul 2024 04:28 pm
-
मी नितीन काकाला खासदार करतो, नाहीतर पवारांची अवलाद सांगणार नाही. हे वक्तव्य तंतोतंत पाळले
- Mon 8th Jul 2024 04:28 pm
-
महाराष्ट्रासह चार राज्यांमध्ये होणाऱ्या विधानसभा निवडणुकांच्या तारखा आज आयोग जाहीर करणार
- Mon 8th Jul 2024 04:28 pm
-
दहिवडी नगराध्यक्ष पदाचा कार्यकाल पूर्ण .पुढील नगराध्यक्ष पदाचा दावेदार कोण ?
- Mon 8th Jul 2024 04:28 pm
-
कोरोना काळात आर्थिक गैरव्यवहाराची याचिका दाखल करते दीपक देशमुख यांच्या घरावर 'ईडी'चा छापा
- Mon 8th Jul 2024 04:28 pm
-
वडूजच्या नगराध्यक्षपदाचा आज होणार फैसला;जाधव,गोडसेंची नावेही चर्चेत
- Mon 8th Jul 2024 04:28 pm
-
कराड उत्तरचा पुढील आमदार भाजपचाच असेल आ. जयकुमार गोरे
- Mon 8th Jul 2024 04:28 pm
-
मी लढणार अन् जिंकणारहीः प्रभाकर देशमुख
- Mon 8th Jul 2024 04:28 pm