उंब्रज  : उंब्रज गावाच्या हद्दीतील हनुमानवाडी तालुका कराड येथे वडापावचा गाडा बंद केल्याच्या रागातून एकास मारहाण झाल्याने उंब्रज पोलीस ठाण्यात तक्रार दाखल करण्यात आले आहे. याबाबत अधिक माहिती अशी की, दिनांक  03 जुलै 2024 रोजी सायं. 7.00 वा. चे सुमारास  हनुमानवाडी ता. कराड गावचे हद्दीत फिर्यादी राहते घरात वरच्या मजल्यावर टीव्ही बघत बसलेला असताना जगन्नाथ राजेंद्र जाधव रा. तळबीड ता. कराड याने वरचे  गँलरीतुन आत घरातील हॉल मध्ये प्रवेश करून दोघांत चालु केलेला वडापावचा  गाडा बंद केल्याचा राग मनात धरून  जिवे मारण्याच्या उद्देशाने त्याने सोबत आणलेल्या चाकुने फिर्यादीच्या डावे दंडाजवळ, डोकीत, पाठीवर भोसकून व वार करून गंभीर दुखापत केली. त्यावेळी मला सोडविण्यास आलेला माझा पुतण्या संकेत दशरथ हत्ते यालाही डावे दंडाजवळ व उजवे मनगटावर चाकुने वार करून गंभीर दुखापत केली. तसेच पळुन जाताना माझे वडिल किसन सिताराम हत्ते यांना ढकलुन देवुन त्यांचे पायास दुखापत केली आहे. याबाबत  दिपक किसन हत्ते वय- 42 वर्षे, व्यवसाय- नोकरी, रा. हनुमानवाडी ता. कराड जि. सातारा  यांनी दिलेल्या फिर्यादीवरून  आरोपीवर गुन्हा दाखल करण्यात आला असून आरोपीस शिताफीने ताब्यात घेण्यात आले आहे. याबाबतचा पुढील तपास 
 उंब्रज पोलीस ठाण्याचे प्रभारी सपोनि रविंद्र भोरे   करीत आहेत .