वडूज : डाळमोडी ता. खटाव येथील माने मळा शिवारात असलेल्या ओढ्यावरील पाण्यात बुडून रंजना लालासो शिंदे (वय ४० ) यांचा  आकस्मित मृत्यू झाल्याची नोंद वडूज पोलीस ठाण्यात झाली आहे.
        याबाबत वडूज पोलिसांनी दिलेली अधिक माहिती अशी की,शनिवार दि. २७ रोजी डाळमोडी येथील रंजना लालासाहेब शिंदे या माने मळा शिवारातील ओढ्यावर धुणे घुण्यासाठी  गेल्या होत्या. दुपारी दीड ते पाच वाजण्याच्या दरम्यान रंजना शिंदे या ओढ्यावरील वाहत्या पाण्यात बेशुध्द अवस्थेत पडलेल्या आढळून आल्या. गावकऱ्यानी त्यांना उपचारासाठी वडूज येथे खाजगी दवाखान्यात घेऊन आले असता अधिक उपचारासाठी ग्रामीण रुग्णालयात दाखल केले . तपासणी अंती त्यांचा मृत्यू झाल्याचे संबधीत वैद्यकीय अधिकारी यांनी घोषीत केले . रंजना शिंदे यांच्या  अकस्मात मृत्यू मुळे डाळमोडी गावावर शोककळा पसरली . त्यांचा पश्चात पती , सासु व दोन मुले असा परिवार आहे .  
        सदर घटनेची खबर गोरख परबती शिंदे यांनी वडूज पोलीस ठाण्याला दिली . यावरून अकस्मात मृत्यू म्हणून वडूज पोलीस ठाण्यात नोंद झाली असून पोलीस निरिक्षक घनश्याम सोनवणे यांच्या मार्गदर्शनाखाली पोलीस हवालदार प्रशांत पाटील अधिक तपास करीत आहेत .