लोणंद- पोलिसांनी एका अल्पवयीन अपहृत मुलीची बिहार राज्यात जावून शोध घेत अल्पवयीन मुलीसह आरोपीला परत आणण्यात यश मिळवले 

लोणंद पोलीस ठाण्याच्या हद्दीतील काळज ,बडेखान,  ता  फलटण जिल्हा सातारा येथील चौदा वर्षाच्या अल्पवयीन मुलीचे अज्ञात व्यक्तीकडून अपहरण झाल्याची तक्रार लोणंद पोलीसात दाखल करण्यात आली होती. सदर प्रकरणी तांत्रीक विश्लेषणाच्या आधारे सदर मुलगी बिहार राज्यात असल्याचे पोलीस उपनिरीक्षक विशाल कदम यांनी निष्पन्न केल्यानंतर पिडीत मुलगी ही बिहार राज्यात आरोपी गणेश माणिक अवघडे रा. गोंदवले ता. माण जि. सातारा सध्या रा. टाकळी हाजी ता. शिरुर जि. पुणे याचे सोबत असलेबाबत माहीती मिळाल्याने जिल्हा पोलीस प्रमुख समीर शेख व उपविभागीय पोलीस अधिक्षक राहुल धस यांची परवानगी घेऊन पोहवा सर्जेराव सुळ , पोकॉ. केतन लाळगे  मपोकॉ. रुतुजा शिंदे  यांचे पथक बिहार राज्यात पाठवण्यात आले. त्यांना सपोनि सुशिल भोसले व पोलीस उपनिरीक्षक विशाल कदम यांनी वेळोवेळी मार्गदर्शन करत शोध घेवून पिडीत मुलगी ही दिनांक 24 रोजी दुपारी 12.00 वाजता आरोपी गणेश माणिक अवघडे याचेसह मिळुन आली. पिडीत मुलीस व आरोपीस बिहार येथुन डोळ्यात तेल घालुन तपास पथक यांनी लोणंद पोलीस स्टेशन येथे आणुन तपासी अधिकारी पोउनि विशाल कदम यांचे ताब्यात सुखरुप आणून दिले. लोणंद पोलिसांच्या या उल्लेखनीय कामगीरीबाबत सर्व स्तरातून कौतुकाची थाप मिळत आहे. तसेच वरिष्ठांनीही सदर कारवाईबाबत अधिकारी व अंमलदार यांची पाठ थोपटली आहे.