शिरवळ : शिरवळ येथे दुचाकीवरुन येत महिलेच्या अंगाला स्पर्श करत अश्लील हावभाव करून विनयभंग केल्याप्रकरणी संशयित शुभम दिलीप गुळमे (वय २४ वर्षे, व्यवसाय नोकरी, सध्या रा. शिर्के कॉलनी शिरवळ, ता.खंडाळा, जि. सातारा, मुळ रा. माळवाडी, पोस्ट लाटे, ता. बारामती, जि.पुणे) याला शिरवळ पोलिसांनी ताब्यात घेतले असून त्याच्याकडील दुचाकीदेखील पोलिसांनी जप्त केली आहे.

 याबाबत अधिक माहिती अशी कि, शिरवळ ता. खंडाळा गावातील साई सुपार मार्केट जवळ कच्चा रोडवर संशयित शुभम दिलीप गुळमे हा त्याच्या स्प्लेंडर मोटर सायकल क्र. एम.एच.४२ ए.यु.६८७२ वरुन तोंडाला मास्क लावुन आला व गाडी स्लो करून एका हाताने फिर्यादीच्या छातीस हात लावला तसेच पुढे जावुन मोटर सायकल थांबवुन अश्लिल इशारे करत फिर्यादीचे स्त्री मनास लज्जा उत्पन्न होईल असे कृत्य त्याने केले होते. याप्रकरणी संबंधित महिलेने शिरवळ पोलिसांत गुन्हा दाखल केला होता. दरम्यान, घडलेल्या घटनेची गंभीरता लक्षात घेवून पोलीस निरीक्षक यशवंत नलावडे त्यांच्यासह पोलीस कर्मचाऱ्यांनी तांत्रिक बाबी तपासत विनयभंगाच्या गुन्ह्यातील आरोपीचा शोध घेत शुभम दिलीप गुळमे यास ताब्यात घेत त्याने गुन्ह्यात वापरलेली दुचाकी देखील पोलिसांनी जप्त केली. फिर्यादी महिलेने शुभम गुळमे व ती दुचाकी ओळखली. 

आरोपी शुभम याने असेच कृत्य आणखी काही महिलांसोबत केले असलेचे नाकारता येत नाही. तरी याप्रकारचे कृत्य ज्या महिलांसोबत झाले असेल त्यांनी शिरवळ पोलीस ठाणे नेमणुकीस असलेल्या महिला पोलीस उप निरीक्षक नयना कामथे मोबाईल नं.८१८०९५१६१७ व सपना दांगट मोबाईल नं. ९५४५६५०६०० यांचेशी संपर्क साधावा अथवा पोलीस निरीक्षक यशवंत नलावडे मोबाईल क्रमांक- ९५८८६०९९११ व ९२२३००६१४५ यावर संपर्क करावा आपले नाव, पत्ता व इतर महिती गोपनीय ठेवली जाईल, असे आवाहन शिरवळ पोलिसांनी केले आहे. दाखल गुन्हयाचा तपास स. पो.फौ. विलास यादव करीत आहेत.

 तसेच सर्व महिला माता भगिनी यांना शिरवळ पोलीस स्टेशन कडुन आवाहन करण्यात येते की, आपणास येता-जाता मारक किंवा हेल्मेट घातलेले संशयीत येता-जाता दिसल्यावर किंवा इतर महिले सोबत अश्लिल कृत्य करीत असल्याचे निदर्शनासं आलेस तात्काळ त्या वाहनाचा क्रमांक मोबाईल मध्ये फोटो कढुन त्याची माहिती वर नमुद दिलेले मोबाईल क्रमांकावर कळवावी जेणेकरुन याप्रकारचे अश्लिल कृंत्यास आळा बसणेस पोलीसांना सहकार्य होईल.