सातारा : सातारा जिल्ह्यातील १०२ राष्ट्रीय खेळाडूना ७.५ लाख शिष्यवृत्ती मंजूर झाली आहे अशी माहिती जिल्हा क्रीडा अधिकारी नितीन तारळकर यांनी दिली
शालेय व इतर क्रीडा स्पर्धांच्या राष्ट्रीय स्पर्धेतील राज्यातील सहभागी व प्राविण्यधारक खेळाडूंना प्रोत्साहन मिळण्याकरिता शासना मार्फत शिष्यवृत्ती अदा करण्यात येते. त्यानुसार क्रीडा व युवक सेवा संचालनालयामार्फत गेल्या शैक्षणिक वर्षामध्ये सातारा जिल्ह्यातील राष्ट्रीय क्रीडा स्पर्धेतील सुवर्ण पदक प्राप्त- २१, रौप्य पदक प्राप्त-१६, कास्य पदक प्राप्त-२२ व सहभागी-५६ खेळाडूंना शिष्यवृत्ती रक्कम अदा करण्याकरिता एकूण ७,४९,२००/- (सात लाख एकोणपन्नास हजार दोनशे फक्त) एवढा निधी वितरित केलेला आहे.
सदर प्राप्त शिष्यवृत्ती रक्कम संबंधित खेळाडूंच्या बँक खात्यावर RTGS/NEFT द्वारे थेट जमा करण्यात येत आहे.